Aitor Karanka ka zgjedhur Karim Benzema si lojtarin më të rëndësishëm të Real Madrid në ndeshjen kundër Atletik Bilbao, ku madrilenët triumfuan me rezultatin e thellë 5-1.

Lojtari fillimisht shkaktoi golin e parë me topin që u devijua nga një mbrojtës, e më pas shënoi golin e tretë për ekipin e tij, para se të jepte një pasim për Mesut Ozil, në atë që Karanka e cilësoi “ndeshja perfekte”.

“Benzema na jep vizion, mbështetje dhe lëvizje. Goli i tij i dytë e bëri paraqitjen e tij perfekte, sot ai ishte i fokusuar dhe i saktë”, tha ndihmësi i Murinjos i cili në këtë javë ka zënë vendin e trajnerit në konferencat për shtyp.

Karanka më pas reflektoi mbi mënyrën se si u fitua ndeshja në “Santiago Bernabeu” dhe lavdëroi ekipin që nuk pësoi vetëkënaqësi dhe lejoi Atletik Bilbaon të kthehej në ndeshje.

“Skuadra ruajti intensitetin deri në fundin e ndeshjes. Ne mund të kishim lejuar Atletik Bilbaon të shkonte në 3-2 dhe të rihapte takimin, por ne folëm shumë rreth kësaj teme në pushimin e ndeshjes, për ta evituar një gjë të tillë”.

“Në pjesën e dytë ishim shumë më të mirë në mbrojtje dhe më shumë gola erdhën. Ky kampionat nuk lejon gabime dhe ne duhet të vazhdojmë në këtë rrugë. 8 pikët diferencë me kreun mbeten të tilla, e dimë që nuk kemi luksin të gabojmë. Luajmë gjithmonë pas Barcelonës ndaj na duhet të fitojmë gjithmonë”, tha ai duke iu referuar luftës për titullin kampion në Spanjë. (LajmeShqip.com)