Roi Hodgson ka vendosur të grumbullojë shumë futbollistë të rinj në moshë për t’i parë nga afër në miqësoren e javës së ardhshme kundër Suedisë. Trajneri i përfaqësues angleze ka publikuar sot listën, ku bie në sy ndryshimi i gjeneratave, i planifikuar prej shumë kohësh dhe që duket se më në fund po vihet në zbatim.

Megjithatë, trajneri pritet të përballet me kritika, të paktën nga Arsenali, pasi ka grumbulluar edhe Xhek Uilshair, i sapokthyer nga një dëmtim i gjatë dhe për të cilin trajneri Arsen Venger kishte kërkuar që këtë radhë të mos aktivizohej me kombëtaren.

Në listën e publikuar sot bien në sy grumbullimi i dyshes së Liverpulit, Rahim Sterling dhe Jonxho Shelvi, ashtu si edhe i mesfushorit 31 vjeçar të Everton, Leon Osman, për të cilin është një debutim absolut në kombëtaren angleze. Pas heroizmave në ndeshjet kundër Barcelonës, trajneri anglez ka vendosur të grumbullojë për herë të parë edhe portierin e Sëlltik, Freizër Forster. (LajmeShqip.com)

Lista e kombëtares angleze për miqësoren me Suedinë:

Portierë: Freizër Forster (Sëlltik), Xho Hart (Mançester Siti), Xhon Rudi (Noruiç).

Mbrojtës: Leiton Beins (Everton), Rajan Bertrand (Çelsi), Geri Kahill (Çelsi), Stiven Koulker (Totenhem), Fil Xhagielka (Everton), Glen Xhonson (Liverpul), Rajan Shoukros (Stouk), Kail Uolker (Totenhem).

Mesfushorë: Tom Kleverli (Mançester Junajtid), Stiven Xherard (Liverpul), Aron Lenon (Totenhem), Leon Osman (Everton), Jonxho Shelvi (Liverpul), Rahim Sterling (Liverpul), Teo Uollkot (Arsenal), Xhek Uilshair (Arsenal), Eshli Jang (Mançester Junajtid).

Sulmues: Uejn Runi (Mançester Junajtid), Daniel Starrixh (Çelsi), Daniel Uellbek (Mançester Junajtid).