Brazili ka arritur të kthejë me këmbë në tokë Japoninë e cila pak ditë më parë mundi në një miqësore Francën. “Seleçao” ka shkëlqyer përballë aziatikëve në ndeshjen miqësore të luajtur në Vroclavë, në Poloni, duke e mbyllur atë me rezultatin 4-0. 

Paulinjo ka hapur serinë e golave në minutën e 12-të falë një kundërsulmi, ndërsa më pas ishte Neimar që dyfishoi shifrat me një goditje nga pika e bardhë e penalltisë. Ylli i Santos shënon edhe golin e dytë personal pas pushimit të takimit, ndërsa Kaka vulosi rezultatin përfundimtar me golin e katërt, përsëri pas një tjetër kundërsulmi.

Duhet theksuar se Kaka ka filluar të kthehet një futbollist të rëndësishëm për kombëtaren braziliane, pasi është përshtatur menjëherë me skemën 4-2-3-1, ku bashkë me Oskar e Hulk kanë për detyrë t’i krijojnë kushtet Neimar që të depërtojë në mbrojtjen kundërshtare. Duke parë shpejtësinë dhe talentin e yllit të Santos, trajneri Menezes ka vendosur që ta përdorë atë shpesh si sulmues të vetëm, duke kthyer në gjysmësulmues një “pykë” të mirëfilltë si Hulk. (LajmeShqip.com)