Një penallti e gjuajtur keq nga Maikosuel i Udinezes i kushtoi kësaj skuadre vendin në fazën në grupe të Ligës së Kampioneve, pasi ekipi italian u mund me penallti nga portugezët e Sporting Braga. Dy klubet e mbyllen edhe ndeshjen e dytë në barazim 1-1, ashtu si të parën, ndaj skuadrat iu drejtuan penalltive.

Kur gjuajtjet ishin 2-2, Maikosuel u mundua të shënonte me një “Panenka”, por portieri 30 vjeçar Beto kuptoi menjëherë qëllimin e mesfushorit, ndërsa të gjithë lojtarët e tjerë ishin të saktë në gjuajtjet e tyre, duke bërë që Braga të fitonte 5-4 dhe të kualifikohej në fazën në grupe.

Anderlehti ka kaluar me vështirësi në fazën tjetër të turneut, duke fituar 2-0 në Belgjike dhe 3-2 në rezultatin e përgjithshëm ndaj qipriotëve të AEL Limasol. Mbokani qetësoi skuadrën e tij duke i dhënë avantazhin skuadrës belge, ndërsa Jakovenko shënoi të dytin, duke bërë që Anderleht të kalonte turin dhe pse ishte mundur 2-1 në sfidën e parë. 

Malaga ka vazhduar “mrekullinë” e saj të vogël, kur skuadra e Pelegrinit ka arritur të mbajë në një barazim 0-0 Panathinakos, për të kaluar në fazën në grupe të Ligës së Kampioneve. Kjo do të sjellë në arkat e klubit disa të ardhura që do të garantojnë pagesën e rrogave të lojtarëve aktualë derisa të gjendet një blerës i ri për klubin. (LajmeShqip.com)

Rezultatet

ANDERLEHT-AEL Limasol          2-0

Ironi Shmona-BATE BORISOV   1-1

NK Maribor-DINAMO ZAGREB  0-1

Panathinaikos-MALAGA                  0-0

Udineze-BRAGA                                   1-1 (4-5p)

Sot

Sëlltik-Helsingborg

CFR Kluj-Bazel

Dinamo Kiev-Mynshengladbah

Fenerbahçe-Spartak Moskë

Lilë-FC Kopenhagen