Nëse Fabio Kapelo do të hedhe firmën në kontratën e tij të re me Rusinë, a do të bëhet një nga trajnerët më të paguar në botë, pasi shifra që do të përfitojë do të jetë 10 milionë euro në vit.

Ish-trajneri i përfaqësueses angleze të futbollit, pritet që gjatë kësaj jave të udhëtojë drejt Moskës për të përcaktuar detajet e fundit të kontratës dhe të hedhë firmën në letër për të marrë drejtimin për dy vite të kombëtares që aktualisht renditet e 13-ta në botë.

Kapelo paguhej 6 milion paund te Anglia, një shifër që cilësohej e ekzagjeruar nga mediat britanike, por tani ai e ka kaluar lehtësisht këtë shifër duke marrë rreth 7.8 milion paund në drejtimin e Rusisë.

Italiani do të zëvendësojë holandezin Dik Advokat, larguar pas pjesëmarrjes në Euro 2012 ku Rusia nuk kaloi as fazën në grupe. Rroga reale e teknikut holandez nuk u bë asnjëherë publike, por mendohet se ai ka përfituar rreth 6 milion euro në vit.

Rroga e Kapelos mund të paguhet pjesërisht nga sponsorë të ndryshëm rusë, pasi aktualisht Federata Ruse e Futbollit ka një borxh prej rreth 12 milion eurosh për investime të bëra dhe nuk ka fonde për të përballuar e vetme kërkesat ekonomike të një trajner si Kapelo. (LajmeShqip.com)