Nëse Spanja arrin të mundë Italinë në finalen e Euro 2012 të dielën në Kiev, atëherë Visente Del Boske do të hyjë në histori si trajneri i parë që ka fituar Botërorin, Evropianin dhe Ligën e Kampioneve.

Trajneri 61 vjeçar gjithashtu do të ishte personi i parë që do të bënte të mundur suksesin e tre turneve madhorë radhazi për një kombëtare, një arritje e jashtëzakonshme për atë që 10 vite më parë e larguan nga Real Madrid duke e cilësuar të papërshtatshëm, edhe pse me madrilenët kishte fituar dy tituj e dy Liga Kampionesh.

Por me qetësinë e tij të jashtëzakonshme, vetë trajneri ka komentuar finalen me Italinë si një ndeshje të barabartë, duke vlerësuar maksimalisht kundërshtarin që sipas tij i ka vënë më shumë në vështirësi në këtë Evropian.

“Askush nga ne nuk është penduar që nuk eliminuam Italinë”, deklaroi ai duke kujtuar se Spanja e kishte patur në dorë fatin e italianëve në pwrballjen kundër Kroacisë në ndeshjen e fundit në grup.

“Italia është skuadra që na ka vënë më shumë në vështirësi. Përqindje? Kjo është një finale, do të thotë se të dy ekipet kanë 50% mundësi për ta fituar. Spanja favorite? Ata kanë fituar katër tituj Kampionë Botë, diçka do të thotë apo jo!”. (LajmeShqip.com)

Grupi C

Spanjë-Itali                   1-1

63’ Fabregas / 61’ Di Natale

Itali-Kroaci                   1-1

39’ Pirlo / 72’ Manxhukiç

Spanjë-Irlandë              4-0

4’, 70’ Torres, 49’ Silva,  83’ Fabregas

Kroaci-Spanjë              0-1

88’ Navas

Itali-Irlandë                   2-0

35’ Kasano, 90’ Baloteli

Çerekfinalet

Spanjë-Francë              2-0

19’, 90’+1’ (p) Ksabi Alonso

Angli-Itali                     0-0 (2-4 p.)

Gjysmëfinalet

Portugali-Spanjë           0-0 (2-4 p.)

Gjermani-Itali               1-2

90’+2’ (p) Ozil / 20’, 36’ Baloteli

Finalja

01.07.2012

Spanjë-Itali                   20:45

Gjyqtar: Pedro Proença (Portugali)

Kiev