Kroacia ka pësua një goditje shumë të rëndë pasi mësoi se sulmuesi i saj Ivica Oliç nuk do të marrë pjesë në Euro 2012, pasi ai u dëmtua në miqësoren kundër Norvegjisë.

Skanimet bënë të qartë se ish-sulmuesi i Bajern Mynih duhet të qëndrojë pushim 4 deri në 6 javë për t’u riaftësuar nga ky dëmtim e si rrjedhojë nuk mund të ndihmojë kombëtaren e tij në këtë aktivitet. Në vend të tij është thirrur futbollisti i Dnjepros, Nikola Kaliniç.

“Kjo është një katastrofë për ne. Nuk mund ta imagjinoni. Nuk është një goditje, nuk është një problem, është një katastrofe. Ai është një lojtar unik”, ishte komenti i menjëhershëm i trajnerit Bilic.

“Ne kemi shumë lojtarë të mirë por Oliç është i pazëvendësueshëm, pasi në Evropë nuk ka lojtarë të tjerë si ai. Nuk është një goditje e rëndë, është më shumë se kaq”.

Oliç tashmë do të kthehet në shtëpi dhe do të mendojë të riaftësohet për të filluar në gjendjen më të mirë fazën përgatitore me ekipin e tij të ri, Volfsburg, me të cilin ka nënshkruar një kontratë dyvjeçare.

Ndërsa Kroacia do të fillojë fushatën në Euro 2012 përballë Irlandës të dielën pasdite. (LajmeShqip.com)