Një elefant në Poloni do të ketë nuhatje për fituesit e Euro 2012, duke përdorur feçkën aty ku oktapodi Paul përdori tentakulat gjatë Botërorit 2012.

Çita, elefanti femër 33 vjeç nga një kopsht zoologjik në qytetin e Krakovës në jugun e Polonisë, do të bëjë profecinë e parë zyrtare të aktivitetit me datë 6 qershor, dy ditë pra hapjes së Euro 2012.

“Gjatë prezantimit me mediat, ajo gëlltiti një top futbolli të vërtetë. Por ishte prej lëkure dhe jo plastik, ndaj nuk kishte pasoja në shëndetin e saj. Gjithsesi, dua të them se ajo ka parashikuar me saktësi fitoren e Çelsit ndaj Bajern Mynih në Ligën e Kampioneve”, deklaroi drejtoresha e kopshtit zoologjik të Krakovës, Tereza Grega.

Çita do të përdorë frutat në vend të sferës së kristaltë për të parashikuar të ardhmen dhe objektivi i saj i parë do të jetë ndeshja mes Polonisë dhe Greqisë, ku ajo duhet të zgjedhë mes tre mollëve, dy nga të cilat kanë emrat e ekipeve dhe e treta përfaqëson barazimin.

Sipas drejtuesve të kopshtit zoologjik, këtij elefanti i pëlqen shumë futbolli dhe shpesh ka ndjekur me vëmendje ndeshje të tilla në televizorin që i kanë vënë pranë kafazit.

Përveç elefantit Çita dhe derrit ukrainas, parashikues të ndeshjeve të Euro 2012 janë qeni Sisi dhe oktapodi Rosi në Gjermani, si dhe lama angleze Nikolas. (LajmeShqip.com)