Juventus ka ngritur lart trofeun e titullit kampion pasi ka mbyllur në mënyrën më të mirë të mundshme kampionatin në Serinë A, duke fituar 3-1 ndaj Atalantës për të qëndruar e pamposhtur në të gjithë këtë sezon. 

Në ditën e lamtumirave, Aleks Del Piero ka marrë ovacionin e publikut të “Juventus Stadium” tre herë. Fillimisht duke shënuar një gol në këtë sukses të skuadrës së tij, pastaj kur është zëvendësuar në pjesën e dytë dhe në fund kur ka ngritur lart trofeun e titullit që mungonte prej shumë vitesh.

Në një ditë lamtumirash po aq të rëndësishme, edhe publiku i Milanit ka respektuar “veteranët” që largohen nga kuqezinjtë, ndërsa Filipo Inzagi ka mbyllur në mënyrën më të mirë të mundshme karrierën e tij duke shënuar golin e fitores 2-1 ndaj Novarës.

Ndërkohë, në ndeshjet e tjera të kësaj jave të fundit është përcaktuar edhe emri i Udinezes si skuadra e tretë që do të shkojë në Ligën e Kampioneve në sezonin e ardhshëm. Në Europa League shkojnë Lacio, Napoli dhe Inter, ndërsa bie nga kategoria Leçe, që i bashkohet Novarës dhe Çezenës. (LajmeShqip.com)

Rezultatet

Katania-Udineze       0-2

19′ Di Natale, 58′ Fabrini

Kievo-Leçe                1-0

78′ Vaçek

Xhenoa-Palermo      1-0

52′ Xhilardino, 70′ Skuli

Lacio-Inter               3-1

59′ Kozak, 63′ Kandreva, 90′ Mauri / 45′ (p) Milito

Napoli-Siena             2-1

3′, 34′ Dosena / 6′ Destro

Fiorentina-Kaljari    0-0

Juventus-Atalanta  3-1

10′ Marrone, 28′ Del Piero, 91′ (p) Barzalji / 83′ (ag) Lihtshtainer

Milan-Novara          2-1

56′ Flamini, 82′ Inzagi / 20′ Garsia

Çezena-Roma          2-3

9′ Delnero, 90′ Santana / 26′ Bojan, 33′ Lamela, 49′ De Rosi

Parma-Bolonja        1-0

37′ Biabiani

Renditja

Juventus 84; Milan 80; Udineze 64; Lacio 62; Napoli 61; Inter 58; Roma 56; Parma 56; Bolonja 51; Kievo 49; Katania 48; Atalanta 46; Fiorentina 46; Siena 44; Palermo 43; Kaljari 43; Xhenoa 42; Leçe 36; Novara 32; Çezena 22.