Skënderbeu ka hedhur një hap të rëndësishëm drejt titullit kampion duke mundur 2-0 Tiranën në supersfidën e javës së 21-të të Kategorisë Superiore. Kur kanë mbetur edhe 5 ndeshje nga fundi i kampionatit, ekipi korçar vazhdon të ruajë kreun, ndërsa ndiqet me një pikë diferencë nga Teuta, me Tiranën që ka zbritur tashmë në vendin e tretë.

Ndeshja e luajtur në Korçë ka dhuruar spektakël dhe ka merituar vëmendjen e jashtëzakonshme të tifozerisë të të dy ekipeve. Tirana ka qenë më kërkuese në pjesën e parë, ndërsa ka goditur edhe shtyllën me anë të Ahmatajt, por në fillimin e pjesës së dytë, fillimisht Xhafaj e më pas Allmuça, kanë shënuar në portën e mbrojtur nga Ilion Lika duke siguruar këtë sukses të rëndësishëm të kampionëve ne fuqi.

Në vendin e dytë në renditje është ngjitur Teuta e cila ka marrë një fitore minimale 1-0 përballë Dinamos falë goli të Jakupit. Durrsakët kanë një kalendar më të lehtë në letër në javët e fundit dhe shpresojnë të bëjnë mrekullinë për të marrë titullin kampion.

Për t’u shënuar është fitorja 2-1 e Tomorit përballë Kastriotit, ku tashmë ekipi beratas ka ringjallur shpresat për t’u larguar nga zona e ftohtë e renditjes dhe për të siguruar mbijetesën në Kategorinë Superiore pa bërë play-out. (LajmeShqip.com)

Rezultatet

Skënderbeu-Tirana    2-0

49’ Xhafaj, 62’ Allmuça

Dinamo-Teuta             0-1

45’ Jakupi

Apolonia-Flamurtari   1-3

39’ Ibrahim / 19’ Progni, 26’ Lena, 84’ Muça

Bylis-Vllaznia               1-0

13’ Izuçuku

Tomori-Kastrioti          2-1

68’ Bakiu, 82’ Çaushaj / 10’ Alikaj

Laçi-Pogradeci               2-0

42’ Doku, 53’ Hysa

Shkumbini-Kamza        3-1

9’, 39’ Diop, 31’ Mustafaj / 36’ Karapici

Renditja

Skënderbeu 47, Teuta 46, Tirana 43, Flamurtari 36, Kastrioti 31, Bylis 29, Shkumbini 29, Vllaznia 27, Laçi 27, Tomori 23, Kamza 19, Pogradeci 17, Apolonia 14, Dinamo 10.