Çikago transformohet në një skuadër tjetër, sa herë që i mungon ylli i saj, Derrik Rouz. Ndonëse kryesuesit e NBA kanë fituar përballë Filadelfias me rezultatin 89-80, ata e kanë patur shumë më të vështirë detyrën, pasi përballë kishin një prej skuadrave më të balancuara të Konferencës së Lindjes. Për të zgjidhur problemet e Çikagos është dashur një ndeshje shumë e mirë e Uotson, i cili shënoi 20 pikë duke luajtur si titullar pikërisht në vend të të dëmtuarit Rouz. Ndonëse Filadelfia kryesoi në 3 periodat e para, ajo nuk arriti të mbante epërsinë deri në fund, pavarësisht formës së mirë të Xhru Holidei, i cili shënoi 30 pikë, 5 topa në tabelë e 5 pasime në humbjen e tretë radhazi të skuadrës së tij. 

LA Klipërs u janë kthyer fitoreve, ndonëse u është dashur përsëri të djersijnë shumë përballë Hjuston. Kalifornianët kanë fituar 95-91 në sekondat e fundit, vetëm falë saktësisë së Kris Pol i cili u kthye përsëri vendimtar për skuadrën e tij pas disa ndeshjeve ku ai ka bërë vetëm gabime në momentet deçizive. Tani LA Klipërs i pret një javë e vështirë ku do të luajnë 5 ndeshje, mes të cilave janë 3 transferta radhazi ndaj Indiana, Oklahoma dhe Nju Orlins. (LajmeShqip.com)

Rezultatet

Hjuston-LA Klipërs          91-95

Toronto-Sharlot                103-107

Nju Jork-Indiana              102-88

Filadelfia-Çikago               80-89

Nju Orlins-Nju Xhersi      102-94

Golden Steit-Utah             92-99

Boston-Denver                   91-98

San Antonio-Dallas            99-106