Çikago ka përforcuar pozitat në kreun e klasifikimit të Konferencës së Lindjes duke fituar një ndeshje shumë të rëndësishme përballë Majemit me rezultatin 106-102. Ndonëse për Çikagon ka munguar Derrik Rouz, shokët e tij të skuadrës kanë ndarë ngarkesën e lojës duke mos i dhënë pika referimit Majemit. Strategjia e vendasve ka qenë që të linin të lirë LeBron Xhejms (35 pikë) e Duejn Uejd (36 pikë), por bllokuan të gjithë të tjerët duke kufizuar pjesën tjetër të skuadrës së Majemit në shënimin e 31 pikëve. Gjashtë lojtarë të Çikagos kaluan kuotën e 10 pikëve, të udhëhequr nga zëvendësuesi Xhon Lukas me 24 pikë. Me këtë sukses, Çikago ka tashmë rekordin më të mirë në Konferencën e Lindjes dhe në të gjithë NBA me 36 fitore e 9 humbje, ndërsa është shkëputur nga Majemi që ka 31 fitore e 11 humbje në ndeshjet e zhvilluara deri tani. 

Një rezultat i rëndësishëm në Konferencën e Perëndimit ka qenë fitorja e katërt radhazi e LA Leikërs, të cilët kanë mundur Nju Orlins me rezultatin 107-101, ndërsa për të dytën natë radhazi i është dashur të shkojnë në kohën shtesë. Kalifornianët ishin për të dytën natë radhazi në disavantazh prej 17 pikësh, po ashtu si përballë Memfis një natë më parë, ata arritën të rikuperonin dhe të çonin ndeshjen në shtesë, duke fituar falë saktësisë së Kobi Brajant. Ylli i LA Leikërs e mbylli ndeshjen me 33 pikë, i ndihmuar nga Endriu Bainëm me 25 pikë e 18 topa në tabelë dhe Pau Gasol me 18 pikë e 10 topa në tabelë. (LajmeShqip.com)

Rezultatet

Filadelfia-Indiana          94-111

Portland-Nju Jork        79-121

Toronto-Nju Xhersi      84-98

Kliveland-Miluoki         105-115

LA Leikërs-Nju Orlins  107-101

Sharlot-Hjuston            87-107

Orlando-San Antonio   111-122

Majemi-Çikago            102-106

Detroit-Sakramento      124-112

Utah-Feniks                 111-120

Atlanta-LA Klipërs       82-96

Boston-G. Steit            105-103