Pep Guardola është i sigurt se akuzat e fundi të Zhoze Murinjos referuar gjyqtarëve i adresohen atij . Trajneri i Realit deklaroi një ditë më parë se “persona të tjerë shesin një imazh tjetër por jemi të gjithë njëlloj”, duke lënë të kuptohej se edhe trajneri i Barçës ankohej njëlloj për gjyqtarët.

“Herën tjetër, të përmendë edhe emrin. Të githë e kanë kuptuar që e kishte fjalën për mua”, theksoi Guardiola.

“Duket sikur unë dhe Murinjo jemi në sfidë kush fiton. Por asnjëherë nuk kam dashur të ngjitem në lartësinë e Murinjos në çështje të tjera. Në fund janë vetëm fjalë, por ka imazhe që vlejnë më shumë. Ky nuk ishte qëllimi im. Do të rris vetëvlerësimin nëse më thonë se jam njëlloj si ai”, ishte batuta e Guardiolës.

Trajneri i Barcelonës tha se është mësuar me presonin që sjell ky vend pune. “Kam kaluar katër vitet e fundit kështu, ndërsa me trajnerin e Madridit vetëm një vit e gjysmë. Kemi qenë nën vëzhgim gjithmonë për gjithçka që bëjmë, edhe për Botërorin e Klubeve që nuk ka shumë rëndësi. Edhe pse jam i sigurt që nuk do ta besojnë, vazhdoj ta përsërit që nëse jemi 10 pikë pas Realit të Madridit, do të thotë se ata janë më të mirë se ne”, vijoi tekniku katalanas.

Në fund, ai ka bërë një batutë mbi “miqësitë” e klubeve me presidentin e Federatës Spanjolle, Angel Maria Vijar, për të ndikuar te gjyqtarët dhe aludimet se në Spanjë fiton kush është më mik me të. “Ta keni të qartë se jemi pas Madridit pasi ata e meritojnë të jenë para nesh. Ne thjesht kemi qenë shembullorë, brenda dhe jashtë fushës, jemi sjellë më mirë se Madridi”.

“Gjyqtarët kanë qenë nën presion të vazhdueshëm në 4 vitet e fundit dhe duhet që presidenti i Federatës të dalë para dhe t’i japë fund kësaj. Por tani duket se gjithçka funksionon nëse je mik me Vijar. Kështu do të ishte më mirë të shihnim sa ka klauzolën në kontratë”, u shpreh me ironi Guardiola. (LajmeShqip.com)