Ndeshjet e para për 1/32 e finaleve të Europa League kanë dhënë informacionet e para mbi ata që do të jenë skuadrat që do të kalojnë turin, por edhe kush janë pretendentët realë për të fituar këtë turne.

Bien në sy menjëherë fitoret e dy skuadrave të Mançester, të cilat kanë triumfuar në sfida aspak të lehta jashtë fushës së tyre. I pari ka qenë Mançester Junajtid që ka marrë një fitore të pastër 2-0 në Holandë përballë Ajaksit vendas, falë golave të Jang e Hernandez, duke siguruar kalimin në turin tjetër.

Një sukses jashtë fushës ka marrë edhe Mançester Siti, i cili ka fituar në “Do Dragao” përballë Portos, fituese në fuqi të turneut. Ndonëse Porto ka kaluar e para në avantazh me anë të Varelës, në pjesën e dytë ekipi anglez ka përmbysur gjithçka duke gjetur barazimin me një autogol të Pereiras e më pas duke realizuar fitoren falë Agueros.

Në ndeshjet e tjera, bien në sy suksesi 1-0 i Valencias në fushën e Stouk, por sidomos suksesi 3-1 i Atletiko Madrid në fushën e Lacios. Të dy skuadrat spanjolle janë ndër rivalët më të fortë të ekipeve angleze për fitoren e turneut për klube të dytë për nga rëndësia në Evropë. (LajmeShqip.com)

Rezultatet

Lokomotiv M.-A. Bilbao        2-1

Ajaks-Mançester Junajtid     0-2

Salcburg-Metalist                   0-4

AZ Akmar-Anderleht             1-0

Lacio-Atletiko Madrid            1-3

Viktoria Plzen-Shalke             1-1

Legia Varshavë-Sporting        2-2

Porto-Mançester Siti               1-2

Stouk-Valencia                         0-1

Steaua Bukuresht-Tuente      0-1

Visła Krakovë-S. Liezh            1-1

Udineze-PAOK                         0-0

Trabzonspor-PSV                    1-2

Hanover-Bryzh                         2-1