Policia është detyruar të ndërpresë një festë të organizuar nga kapiteni i Liverpulit, Stiven Xherard, duke i kërkuar që në orën 4 të mëngjesit të ulnin zërin e lartë të muzikës pasi kishte patur ankesa nga komshinjtë.

Lajmërimi kishte ardhur nga një prej banorëve të lagjes ku jeton Xherard, në vilën e cila ka kushtuar 3 milion sterlina.

Ylli 31 vjeçar i Liverpulit kishte organizuar një festë me shokët e klubit për të festuar pak me vonese Krishtlindjet pasi në atë periudhë skuadra kishte qenë e grumbulluar për ndeshjet e kampionatit anglez.

Megjithatë, ndërhyrja e policisë nuk ka shqetësuar aspak të ftuarit, të cilët kanë vazhduar të qëndronin aty deri në orët e para të mëngjesit, ndonëse pa muzikë të lartë.

“Shumë nga lojtarët ishin aty, bashkë me partneret e tyre. Ishte një natë fantastike pasi Xherard nuk kishte kursyer asgjë. Gatë festës kishte përformanca nga artistë të ndryshëm cirku dhe valltare. Të gjithë u kënaqën edhe pse erdhi policia dhe detyroi që të ulej muzika. Kishte njerëz edhe pas orës 4.30 në mëngjes”, tregoi një nga pjesëmarrësit në këtë festë.

Vetë policia tregoi se gjithçka kishte qenë mëse normale. “Ne u raportuam për muzikë të lartë që vinte nga një shtëpi. Një patrullë foli me organizatorin, i cili pranoi që të ultë zërin e muzikës”. (LajmeShqip.com)