Legjenda e Real Madridit, Alfredo Di Stefano tha se tifozët e klubit kanë çdo të drejtë të kritikojnë një lojtar në qoftë se ai dështon për të përmbushur pritshmërinë.

Ylli Kristiano Ronaldo ishte lojtari i fundit i cili shprehu shqetësimin e tij me trajtimin që ai është duke marrë nga tifozët, dhe për këtë nuk e festoi golin ndaj Granadas gjatë fundjavë së kaluar.

Megjithatë, Di Stefano mendon se Ronaldo nuk duhet të hidhërohet me veprimet e tifozëve, por duhet punuar në mënyrë që të përmbushë pritshmërinë.

“Fishkëllimat kundër Kristiano Ronaldos? Njerëzit në turmë janë ata që paguajnë, dhe ata kanë gjithmonë të drejtë,”  tha Di Stefano për Atlas.

“Në qoftë se spektatorët kërkojë nga lojtarët që ata të bëjnë maksimumin e tyre, lojtarët nuk kanë pse të shqetësohen për këtë.”

“Tifozët kanë gjithmonë të drejtë. Nëse ata vërshëllejnë apo tallen, kjo është për shkak se ata duan që ai të jetë efektiv.”

Portugezi ka shënuar tashmë 21 gola në 17 paraqitje në La Liga. Megjithatë, ai ka marrë pjesën e tij të kritikës pasi nuk arriti të shënonte në humbjen kundër Barcelonës në fillim të dhjetorit. (LajmeShqip.com)