Prishtinë – Ethet Hemorragjike të shkaktuara nga pickimi i rriqrave ka marrë jetën e nëntë sivjet në Kosovë. Viktima më e re është një 58 vjeçar nga Dragobili i Malishevës, i cili ndërroi jetë pas mesnatës në Klinikën Infektive të QKUK-së.
Lajmin për vdekjen e 58 vjeçarit e ka konfirmuar për Kosovapress, infektologu Salih Ahmeti, i cili ka thënë se i njëjti është hospitalizuar në Klinikën Infektive të dielën, raporton KosovaPress. 
“Viktima është një 58 vjeçar nga Dragobili i Komunës së Malishevës, i cili ka qenë i hospitalizuar nga dita e diel dhe që sot pas mesnatës ka ndërruar jetë në Klinikën Infektive të QKUK-së”, ka pohuar ai.
Infektologu Ahmeti, bënë të ditur se të infektuar nga pickimi i rriqrave në këtë klinikë janë edhe 4 persona të tjerë, porse momentalisht nuk janë në gjendje të rëndë shëndetësore.