Mitrovicë – Shefi i delegacionit serb për bisedime me Kosovën, ka marrë flamurin e kurajimit të huliganëve që po shkaktojnë trazira në veri të vendit.

Borisllav Stefanoviq ka deklaruar para barrikaduesve të rrugëve në veri se “këtu nuk është geto, por është Serbi”.

Stefanoviqi i ka thënë këto në një fjalim moralizues para barrikaduesve huliganë në Rudare, afër Zveçanit .

Ai i ka inkurajuar huliganët zjarrvënës serbë, me fjalët: “Tani për tani, Prishtina nuk është e gatshme të bisedojë, por bota është habitur me kualitetin tuaj dhe bota po i frikësohet fuqisë suaj”.

Deklarata e Borisllav Stefanoviqit në Rudare, pason deklaratat destabilizuese të dy zyrtarëve të tjerë në të ashtuquajturën Ministri e Serbisë për Kosovën, Goran Bogdanoviq e Oliver Ivanoviq, të cilët po ashtu u shprehën se kriza nuk do të përfundojë dhe barrikadat në veri nuk do të largohen derisa të mos kthehet situata e para 25 korrikut.