Strugë – Gjatë ditës së hënë në zyrën e degës në Strugë, Rilindja Demokratike Kombëtare (RDK), e Rufi Osmanit ka prezantuar kandidatët e saj për deputetë të zonës pesë

dhe aktivistët e saj.

Bartës i listës për deputet do të jetë Riza Istrefi i cili është dhe jurist, ndërsa kandidati tjetër  Artan Dika.

“Lista ka intelektualë të dalluar si ekonomistë, juristë, biznesmenë, profesorë, mjekë e tjerë. RDK-ja synon të marrë vullnetin e popullit për të ndryshuar gjendjen e shqiptarëve në vend. Fatkeqësisht në vend të mbrojtjes së statusit dhe çështjes kombëtare në këto 20 vitet e fundit kemi vetëm dështime ndërsa në dhjetë vitet e fundit pas konfliktit të 2001-shit vetëm premtime. Ne do të angazhohemi për të ringjallë ekonomikisht por edhe vendosjen e rinisë”, ka thënë bartësi i listës Riza Istrefi.

Fjalim mbajti edhe kandidati i dytë në listë Artan Dika i cili deklaroi se “subjektet politike shqiptare ekzistuese janë shndërruar në prona private të udhëheqësve të tyre

duke mos lejuar dominimin e rinisë. Qëllimi jonë nuk është shpërndarja por riorganizimi i shqiptarëve. Kemi pasur raste ku janë vrarë ush ushtarët e UÇK-së ose janë

burgosur. Një nga shtyllat e RDK-së është ringjallja e dinjitetit të shqiptarëve”.

Artan Dika ka potencuar se nuk janë të vërteta thashethemet se RDK-ja do të ketë koalicion pas-zgjedhor me PDSH-në por nënvizoi se ekziston mundësia për të pasur

koalicion me partitë shqiptare të cilat do të bëhen në bazë të votave të marra dhe deputetëve të partive.