Prishtinë – Deputetit të Kuvendit të Republikës së Kosovës, Fatmir Limaj i është vazhduar edhe për dy muaj paraburgimi, ka konfirmuar për Express avokati i Limajt, Tomë Gashi.

“Gjyqtari i EULEX-it, Malkom Simons, nga Gjykata Themelore në Prishtinë, i ka vazhduar paraburgimin Fatmir Limaj edhe për dy muaj të tjerë, deri me 24.04.2013”, ka thënë avokati Gashi për Express.

Sipas tij, tashmë ai ka bërë ankesë në Gjykatën e Apelit të Kosovës për vendimin e gjyqtarit të EULEX-it.

“Unë si avokat i zotit. Limaj kam paraqit ankesë kundër këtij vendimi në Gjykatën e Apelit të Kosovës. Caktimi i paraburgimit që nga 24.11.2012 dhe vazhdimi i paraburgimi pa asnjë arsye ligjore nuk ka kurrfarë mbështetje dhe arsye ligjore por janë krejtësisht arsyet politike që ndikojnë haptas në këtë çështje”, ka thënë avokati.(LajmeShqip.com)