Shkup – Rregullatori i Telekomunikacionit të Maqedonisë, AEC ka lëshuar planin për zbritjen e kostos së mesazheve të SMS-ve prej muajit Korrik 2011.

Megjithëse ende nuk është marrë një vendim i saktë i zbritjeve, përfolet se AEC është duke shikuar për reduktimin e çmimit për një SMS deri në 50%.

Aktualisht çmimi i një SMS është 4.9 denarë (0.116 USD) për abonuesit e rregullt (post-paid), kurse 5.9 denarë për abonuesit me parapagim (pre-paid).

Sipas burimeve të Lajmeshqip.com, kryesuesi i AEC-së, Robert Ordanovski, ka thënë se agjencia aktualisht është duke analizuar nivelin e zbritjeve dhe se vendimi për zbritje të kostove është marrë. Për më shumë, Ordanovski ka thënë se ky vendim do të vlejë për të gjithë operatorët mobilë në Maqedoni.