Tifozët e ekipeve, dinë të kalojnë limitet, vetëm sa për të ofenduar kundërshtarët.

Por, studentët e Universitetit të Luizianës në Shtetet e Bashkuara, kaluan në banalitet, duke e mbytur dhe pjekur në skarë një krokodil, transmeton Telegrafi.

Tërë këtë ata e bënë, vetëm për të “ofenduar” rivalët e tyre, Florida Gators, të cilët krokodilin e kanë si maskotë.

Ky veprim, nuk u ka lënë shije të mirë, as vendasve në Luizianë, që e kanë quajtur këtë gjest të ulët dhe të pështirë.

Kjo është bërë vetëm pak ditë, para se të zhvillohet ndeshja e futbollit amerikan, mes dy ekipeve rivale.