Durrës -Anti-droga e qytetit të Durrësit ka sekuestruar një sasi prej 0.5 kilogramë lëndë narkotike të llojit kokaine, ndërsa ka prangosur  tre poseduesit e saj.

Operacioni është zhvilluar në qytetin e Vlorës, në bazë të informacioneve të marra në rrugë operative, ku agjentët e anti-drogës së qytetit bregdetar të Durrësit dhe shërbimet policore të Vlorës organizuan operacionin për kapjen e shpërndarësve të lëndës  narkotike.

Në pranga përfunduan  Edison Sulejmani 26 vjec, Enea Sulaj 21 vjec si dhe Ervin Bardhaj 42 vjec  me banim në Vlorë  Tre të arrestuarit u ndaluan në qendër të qytetit bregdetar gjatë kohes që po udhëtonin me automjetin me targa të Vlorës 88 93 B,  dhe gjatë kontrollit të ushtruar nga policia  në automjet u gjet sasia e lëndës narkotike e llojit kokainë.

Polcia sqaron se  kohë  më parë, agjentët e antidrogës pranë policisë së Durresit në rrugë operative siguruan informacione për një rrjet tregtie kokaine në qytetin e Vlores, duke disponuar dhe emrat e shpërndarësve të dyshuar.

Aktualisht, specialistët e seksionit të Luftës Kundër Drogës në bashkëpunim me Prokurorinë e Rrethit Gjyqësor Durres e Vlorë, po punojnë për zbardhjen e plotë të këtij rrjeti trafiku, apo hetimin e persona të tjerë të përfshirë si dhe të asete të përfituara nga kjo veprimtari kriminale.