Lindsay Lohan ka ngritur akuza serioze në llogari të një mysafiri të një ceremonie martese të mikut të saj.

Siç raportojnë mediet amerikane, aktorja 29 vjeçe u ka thënë miqve të saj se dikush i ka hedhur drogë në pije gjatë ceremonisë së martesës së mikut të saj, Justin Acin, një biznesmen dhe ambasador i turizmit për ishullin Sheshel, përcjell “Zëri”.

Ai vikendin e kaluar është martuar në Firencë me manekinen Lana Zakocel.

“Lindsay më herët është larguar nga ceremonia, është kthyer në vilën e saj dhe ka vrapuar përreth e zhveshur, duke thënë se e kanë droguar”, ka deklaruar një burim dhe ka shtuar se aktorja kishte shkaktuar incidente gjatë ceremonisë së martesës, në të cilën jo vetëm që kishte ardhur me fustan të bardhë, i cili i ngjante një fustani të nusërisë, por gjatë ceremonisë kishte lyer me llak thonjtë dhe kishte telefonuar.

Po ashtu, ajo kishte shkaktuar një rrëmujë, sepse ishte e bindur se dikush e kishte fotografuar.

Ndaj këtyre akuzave ende nuk ka ndonjë reagim nga ana e policisë, por me siguri se do të iniciohet ndonjë hetim nëse vërtetë ka pasur drogim apo jo të aktores, apo është vetë ajo që ka përdorur substanca të ndaluara.