Tiranë – Komisioni Qendror i Zgjedhjeve ka vijuar sot mes debatesh, numërimin e fletëvotimeve të kontestuara për bashkinë e Tiranës, një proces që është ndërprerë në këto çaste për të rifilluar në ora 17:00.

Pas mesditës, KQZ numëroi kutitë e KZAZ-së nr. 55, njësia 11, ku sërish ndër fletët e panumëruara 7 i përkisnin kandidatit të koalicionit “Aleanca për Qytetarin”, Lulzim Basha dhe 7 kandidatit të koalicionit “Aleanca për të Ardhmen”, Edi Rama.

KQZ ka nisur procesin e numërimit të fletëve të pavlerësuara nga dita e djeshme dhe deri tani, pas hapjes së 34 kutive, ka konstatuar të vlefshme 57 vota në favor të kandidatit Basha dhe 22 vota për kandidatin Rama.