Prishtinë- Gjykata Kushtetuese e Kosovës në asnjë mënyrë nuk ndikohet nga Qeveria, tha kryetari, Enver Hasani.

Në takimin e fundvitit me gazetarë,  Hasani prezentoi rezultatet e punës së gjykatës gjatë këtij viti.

Kryetari i Gjykatës Kushtetuese, Enver Hasani  hodhi poshtë kritikat se  Gjykata është ndikuar politikisht nga Qeveria në marrjen e disa vendimeve. “Kjo është e pakuptimtë”- tha kreu i Gjykatës Hasani, ngase kritikohemi vetëm për faktin se  kërkesa është bërë nga Qeveria e Kosovës.

Enver Hasani theksoi se është çështje e shoqërive demokratike të kritikojë vendimet e gjykatave, por insistoi se të gjitha vendimet e gjykatës kushtetuese kanë qenë vendime të drejta. Kryetari Hasani prezentoi edhe disa të dhëna për punën e gjykatës kushtetuese për këtë vit, duke theksuar se këtë vit janë mbajtur 142 seanca plenare dhe janë marrë 11 aktgjykime dhe 88 aktvendime.