Gjiganti gjerman i automobilave “Daimler” konfirmon edhe zyrtarisht se kompanitë private(përfaqësuesit e autorizuar) nuk mund t’iu shesin vetura “Mercedes” nëpërmjet tenderëve publikë institucioneve të Kosovës prej janarit 2012.

Konfirmimi nga prodhuesit e veturës “Mercedes” ka ardhur vetëm disa ditë pasi që gazeta “Zëri” kishte shkruar se tani e tutje veturat mund të blihen vetëm me një leje të posaçme nga prodhuesi, ose në negociata të drejtpërdrejta me përfaqësuesit e kompanisë nga Gjermania.

Një vendim të tillë “babai” i veturave simbol të kualitetit dhe qëndrueshmërisë e ka marrë për shkak të shkallës së lartë të korrupsionit në Kosovë, të cilën gjë e potencon edhe “Transparency International” në raportet e publikuara.

Ute West von Vellberg, menaxher i lartë për komunikime, integritet dhe çështje ligjore në “Daimler Ag” në Shtutgard të Gjermanisë, ka theksuar për gazetën “Zëri” të hënën se kompania e tyre aderon në mënyrë strikte dhe në përputhje me parimet e integritetit në të gjithë botën…