Prishtinë – Gjykata Themelore në Prishtinë i ka zgjatur Naser Kelmendit paraburgimin në katër muaj.

Deri te zgjatja ka ardhur me vendim të prokurorit të EULEX-it, nga Zyra e Prokurorisë Speciale të Kosovës, i cili ka nisur hetimin e rastit, ka deklaruar për REL zëdhënësi i misionit evropian për sundimin e ligjit, Blerim Krasniqi.

Ai ka thënë se Kelmendi është nën hetime për një numër veprash penale që përfshijnë krimin e organizuar – për çfarë edhe është akuzuar në Bosnjë.

Krasniqi ka thënë se për ekstradimin e tij nuk vendos misioni i EULEX-it, por Ministria e Drejtësisë.

Naser Kelmendi është arrestuar muajin e kaluar në Kosovë.