Nju Delhi – Erërat nga uragani shkaktuan shkatërrime në shtetin më të banuar indian Utar-Pradesh, duke shkaktuar vdekjen e 42 personave, kumtuan autoritetet lokale, të cituara nga agjencitë botërore.

Era me shpejtësi, në momente, edhe prej 80 kilometrave në orë, shkatërroi shumë banesa dhe ndërtesa të tjera, rrëzoi drunj dhe e ndërpreu furnizimin e energjisë elektrike.

Gjatë stuhisë më të madhe në Utar-Pradesh është ndërprerë komunikacioni hekurudhor, ndërsa njëri nga aeroportet përkohësisht është mbyllur.

Shumicën e viktimave, vdekja i gjeti nën ndërtesat e rrënuara dhe drunjtë e rrëzuar.

Gjashtë persona janë lënduar nga rrufeja.

Autoritetet premtuan se familjeve të të vdekurve do t’u paguajnë dëmshpërblim në vlerë prej 100. 000 rupëve (rreth 2. 500 dollarë).