Dollnen – Demokracia e Re, takimet e fushatës parazgjedhore, mbrëmë i vazhdoi në Komunën e Dollnenit, ku theks të veçantë i është veënë programit ekonomik të DR-së, ku janë nënvizuar projekte konkrete për zhvillimin e bujqësisë, zejtarisë dhe hapjen e vendeve te reja të punës.

Banorët e Komunës së Dollnenit vlerësuan lartë rolin opozitar të DR-së, në mbrojtjen e interesave të prodhuesve të duhanit.

“Interesi i bujkut tonë, interesi i prodhuesve të duhanit, është interesi i Demokracisë së Re. Kush nuk e vlerëson djersën e bujkut, ai nuk ka të drejtë morale të kërkojë votën tuaj. Është dita e 5 qershorit, kur ju do të dënoni qeverinë në ikje për nëpërkëmbjen e dinjitetit dhe djersës tuaj” u tha të pranishmëve kryetari i DR-së, Imer Selmani.

Kryetari i DR-së më tej ka theksuar s’e në njëzet vitet e kaluara dëshmuan s’e qarqet politike maqedonase nuk e dëshirojnë zgjidhjen e mosmarrëveshjeve ndëretnike, sepse nëpërmjet tyre i mbulojnë problemet më të mëdha të sferës ekonomike dhe të papunësisë.

“Shqiptarëve iu nevojiten vende pune, ku do të realizohen profesionalisht, e jo të jenë të paguar për të mos punuar, siç ndodhi me administratorët që marrin paga mujore e nuk punojnë. Ne do të sigurojmë punë për shqiptarët, ne do të dëshmojmë s’e shqiptarët kanë kapacitet për të udëhequr institucionet shtetërore” theksoi Selmani gjatë fjalimit të tij.