Mjeku pakistanez, i cili ndihmoi CIA-n në informacione në lidhje me ish-kreun e Al Kaedas Osama Bin Laden është dënuar nga autoritetet pakistaneze me 33 vjet burg.

Shakil Afridi është akuzuar se ka drejtuar një fushate të rreme vaksinimi në Abotabad që ndihmoi në identifikimin e vendit të fshehjes së Bin Ladenit në qytetin verior të Pakistanit. Afridi, i cili u shkarkua si mjek i qeverisë dy muaj më parë, u gjet fajtor nga një gjykatë në rrethin e Kyberit, që është një rajon gjysmë-autonom fisnor.

Sekretarja amerikane e Shtetit Hillari Clinton ka bërë thirrje për lirimin e tij për arsye se puna e tij ka shërbyer në interesat e Pakistanit dhe Shteteve të Bashkuara. Bin Laden u vra nga forcat amerikane në qytetin veri-perëndimor të Abbottabad në maj të vitit 2011.

Vrasja shkaktoi çarje ne marrëdhëniet ndërmjet SHBA-së dhe Pakistanit, qeveria e të cilit u zu ngushtë me kapjen e Bin Laden. Pak kohë pas sulmit në shtëpinë e Bin Ladenit, Afridi u arrestua për komplot kundër shtetit të Pakistanit.

Pakistan ka insistuar që çdo vend do të kishte bërë të njëjtën gjë nëse ajo gjendet një prej qytetarëve të saj që punojnë për një agjenci spiunazhi të huaj. Dr Afridi është gjetur fajtor në bazë të sistemit të drejtësisë fisnor në rrethin Khyberit, dhe gjithashtu është gjobitur me 3500 dollarë. Nëse ai nuk paguan gjobën dënimi i tij do të zgjatet dhe me tre vjet të tjera.