Më shumë se 100 kufoma “vampirësh” janë zhvarrosur në të gjithë Bullgarinë gjatë gërmimeve arkeologjike.

Dy skelete nga Mesjeta u gjetën të shpuara në gjoks me shufra çeliku për të parandaluar shndërrimin e tyre në vampirë.

Arkeologu Bozhidar Dimitrov u shpreh: “Këto skelete tregojnë praktikat që ndiqeshin në fshatrat bullgare deri në fillim të shekullit XX. Shufra lihej në trupat e të vdekurve në mënyrë që të parandalohej shndërrimi i tyre në vampir pas varrosjes.”

Duke iu referuar besimeve pagane, njerëzit që konsideroheshin të këqinj gjatë jetës, mund të ktheheshin në vampirë pas vdekje.

Njerëzit mendonin se nëse do i ngulnin një shufër çeliku, kufomat nuk do të “zgjoheshin” nga varri në mesnatë për të terrorizuar banorët e fshatit.