Kushdo që e dëgjoi, u shokua nga deklarata e Brad Pittit rreth martesës së tij me Jennifer Aniston, duke u shprehur se ishte një martesë, të cilën e pretendonin, ndërkohë që nuk ishte e tillë.

Por duke marrë parasysh efektin që shkaktuan deklaratat e tij për revistën “Parade”, ai menjëherë ka bërë një deklaratë duke tërhequr fjalët e tij:
“Më hidhëron shumë fakti që fjalët e mia janë keqinterpretuar. Jennifer është një grua jashtëzakonisht e përkushtuar për familjen, e dashur dhe e zgjuar, e cila mbetet një mikesha ime.

Ajo çfarë unë kam dashur të tregoj nuk ka qënë për të thënë se Jenn ishte e mërzitshme, por isha unë që u bëra i mërzitshëm dhe ndihem përgjegjës për mosfunksionimin e martesës sonë.”

Por, sipas disa kërkimeve, Pitt nuk ka qënë i vetmi që ka sulmuar me fjalë! Në revistën “Vanity Fair” të shtatorit 2005, ka qënë vetë Jennifer që e ka sulmuar duke e akuzuar për tradhëti me Angelina Jolie-n, akoma pa u divorcuar me të.

“Brad e ka humbur sensin e të qënurit në çift… Ai bën zgjedhjet e tij; ai bën çdo gjë! Ne jemi duke e divorcuar dhe ju mund ta shihni qartë arsyen pse (duke ju referuar fotove të publikuara të tij me Angelinën). 

Nuk e kam ende të qartë se kur ka nisur historia e tyre dhe nuk dua të merrem më me të. Gjithësekush duhet të jetojë jetën e tij siç dëshiron, por duhet ruajtur privacia në momente të caktuara, Mjaft më! (duke ju referuar Pittit dhe Jolie-së që publikonin foto të lidhjes së tyre)”.

Duket sikur ndonjëherë plagët nuk shërohen plotësisht dhe sa herë del mundësia për të qëlluar… të gjithë mundohen të godasin në shenjë. (LajmeShqip.com)