Tiranë – Bizneset shqiptare do të kërkojnë shtyrjen me 6 muaj të afatit të Ligjit të Faljes.

Kryetari i Dhomës së Tregtisë dhe Industrisë së Tiranës, Nikolin Jaka, u shpreh se po hartohet një amendament për nenin 22 të ligjit, si pjesë e garancisë që ky komunitet do të ketë pas zbatimit të këtij ligji, si dhe shtyrjen e afatit të zbatimit.

Sipas tij, një pjesë e mirë e bizneseve nuk janë të informuara për  mënyrat e zbatimit dhe përfitimit nga ky ligj. Sipas Jakës, brenda këtij muaji amendamendi do t’i paraqitet për miratim Ministrisë së Financave dhe Komisionit Parlamentar të Ekonomisë. (LajmeShqip.com)