Beyonce, Jennifer Lopez dhe Florence & The Machine, do të ofrojnë mbështetjen e tyre për një koncert humanitar në Londër.

Koncerti do të mbahet muajin e ardshëm dhe ai është organizuar në mbështetje të shëndetit të femrave dhe projekteve arsimore në mbarë botën.

Koncerti që është organizuar nga “Chime for Change”, e themeluar nga shtëpia italiane e modës “Gucci”, do të ofrojë të gjitha paratë e mbledhura për këtë çështje.

“Organizatorët kanë bërë të ditur se njerëzit do të mund të zgjedhin se për cilën nga çështjet (edukimin apo shëndetin) do të shkojnë paratë e biletës së tyre”, shkruan Reuters.