Prishtinë- Shkuarja e zëvendëskryeministrit të parë të Kosovës, Behgjet Pacolli në kontinentin afrikan, ka rezultuar me një sukses.

Ai u nis ditën e martë për një vizitë në Tunizi, ku paralajmëroi se do të qëndronte për një ditë.

Ndërkaq, në njoftimin e lëshuar nga zyra për informim, u tha se ai do të vizitonte edhe një shtet tjetër afrikan ku po mbahej i burgosur një qytetar shqiptar.

Piloti shqiptaro-amerikan, Xhejms Berisha, sipas informatave të publikuara kohë pas kohe, thuhej se ai po mbahej në Eritrea.

Ndërkaq, sipas burimeve të “Zërit”, autoritetet e Eritreas e kanë liruar pilotin Berisha, pas vizitës që Pacolli, i bëri këtij vendi.

Ai pritet të arrijë së shpejti në Kosovë.