Moskë – Artisti nga Rusia, Denis Lotarev, për pak çaste e zhvendosi atelien e tij në ujërat e Detit të Zi dhe më pas edhe në atë të Kuqin.

Pavarësisht kushteve të vështira të punës, ku shpesh herë i është dashur të ndërrojë vendqëndrimin për shkak të rrymave të ajrit në ujë, ai ka arritur të nxjerrë në dritë piktura mjaft të mira.

Lotarev tha se eksperimentin e pikturimit nën ujë e nisi para tre vitesh, pikërisht në banjën e tij. Megjithatë, kjo ide, sado e habitshme, po tërheq vëmendjen e shumë kureshtarëve artdashës.

Të gjitha krijimet që ai bëri nën ujë, po prezantohen në një ekspozitë të organizuar në St. Petersburg të Rusisë.