Tashmë nuk kemi as më të voglin dyshim pse Lindsay Lohan është aq ngatërrestare!

Michael, babai 51 vjeçar i aktores, është arrestuar ditën e djeshme sërish në Tampa. Sipas burimeve të TMZ, ai është arrestuar pasi ka tentuar të kontaktojë sërish me ish të dashurën e tij Kate Major.

Sipas raportit policor, Michael ka tentuar të arratiset nga kati tretë i pallatit, duke u hedhur nga ballkoni, por arratisja i ka dështuar. Kur është hedhur, ai ka rënë midis pemëve dhe është kapur menjëherë nga policët, të cilët i kanë vënë prangat.

Michael Lohan është akuzuar për shkeljen e kushteve të lirisë së kushtëzuar si dhe për rezistencë ndaj arrestimit. Më vonë ai është dërguar në spital për të marrë mjekimin e duhur për këmbët e plagosura.

Të martën e kësaj jave, ai u arrestua për dhunë ndaj të dashurës së tij dhe u lirua me kusht mbas 12 orësh, pas një page të majmë që bëri dhe pranimit të kushtit për të mos ju afruar dhe kontaktuar me ish partneren e tij.

Sipas raporteve të policisë, e dashura e tij 28 vjeçare Kate Major është shprehur se nuk dëshiron të ketë asnjë kontakt me këtë njeri që ka probleme psikike dhe që ushtron dhunë fizike. (LajmeShqip.com)