Ambasadori amerikan në Kosovë, Greg Delawie është shprehur se zhvillimet e fundit në Kuvend janë pengesë për ecjen përpara të vendit.

Sipas tij, pengesë më e madhe për rritjen ekonomike vazhdon të mbetet korrupsioni, njofton Klan Kosova.

Këto komente ai i bëri gjatë takimit të Forumit të Nivelit të Lartë ku është bërë prezantimi i strategjisë kombëtare për zhvillim ekonomik.

Delawie është shprehur se Shtetet e Bashkuara të Amerikës do të vazhdojnë përkrahjen e Kosovës duke mbështetur më së shumti të rinjtë që sipas tij janë aseti më i madh që ka Kosova.

Ai tha se do të investohet në kapitalin njerëzor përmes bursave ndërsa do të punohet edhe në sektorin e drejtësisë.