Al Qaida në Gadishullin Arabik, që është një nga qendrat ku rrjeti terrorist është më së shumti aktive, ka lansuar një magazinë online në gjuhën angleze për militantët e saj.

Në këtë magazinë, janë ofruar trajnime të ndryshme për militantët, se si të vjedhin vetura, si të shkaktojnë aksidente në trafik etjerë.

Gjithashtu, në këtë uebfaqe, janë publikuar edhe emrat e njerëzve më të kërkuar në botë nga organizata terroriste, duke përfshirë edhe autorin e vargjeve satirike Salman Rushdie. Tek këta emra është shkruar “kërkohen gjallë ose vdekur për shkak të krimeve ndaj Islamit”, shkruajnë The Guardian dhe Reuters. Në këtë rubrikë janë shënuar emrat e 11 personave publikë të perëndimit “kokat e të cilëve kërkohen për shkak të blasfemisë ndaj Islamit”.

Në magazinën online të rrjetit terrorist, janë dhënë kurse të ndryshme se si të djegën veturat dhe si të shpëtohen militantët.