Shkup – Ministritë e Punëve të Jashtme të Republikës së Maqedonisë dhe të Katarit sot në Shkup mbajtën konsultime politike.

Delegacionin e Maqedonisë e kryesonte sektretari shtetëror në MPJ-në, Abdulkadër Memedi.

Çështjet aktuale bilaterale në interes të të dy vendeve, si dhe mundësitë për përmirësimin e bashkëpunimit bilateral mes Maqedonisë dhe Katarit, ishin në fokusin e konsultimeve politike. Vëmendje të posaçme, kumtoi MPJ-ja, i ishte përkushtuar bashkëpunimit ekonomik, këmbimeve tregtare dhe tërheqjes të investimeve të drejtpërdrejta në Republikën e Maqedonisë.

Në lidhje me gjendjen e dakorduar, posaçërisht në sferën e ekonomisë dhe punët konsullare, të dyja palët shprehën interes për rrethimin e saj.

Në konsultimet e sotme është biseduar edhe për përgatitjet për vizitën zyrtare të Emirit të Katarit, sheiku Hamad bin Kalifa Al Tani, i Maqedonisë është parashikuar për në tetor të vitit 2011, në suaza të së cilës, përveç takimeve me udhëheqësin më të lartë të vendit, është planifikuar nënshkrim i një numri të madh të marrëveshjeve bilaterale dhe mbajtjen e biznes forumit.

Delegacionet e dy ministrive shkëmbyen mendime edhe për gjendjet aktuale në rajonin e Lindjes së Afërt dhe në vendet arabe, posaçërisht në Libi dhe Siri.

Konsultime politike të rregullta mes Republikës së Maqedonisë dhe shtetit Katar, nënvizohet në kumtesën e MPJ-së, ende një verifikim i marrëdhënieve të mira bilaterale mes dy vendeve, si dhe bashkëpunimit të afërt mes dy Ministrive të Punëve të Jashtme, ndërsa janë në interes të thellimit të bashkëpunimit të përgjithshëm.