Kukës – Rikonstruksioni tërësor i segmentit Aeroport-Domaj mundëson lidhjen e banorëve të rrethit të Dibrës me aeroportin e Kukësit dhe me Kosovën.

“Pas rikonstruksionit të 2 segmenteve të tjera  deri në Bushtricë dhe deri në kufirin administrativ të rrethit të Dibrës, ku procesi ka hyrë në fazën e asfaltimit, rikonstruksioni  i këtij segmenti i jep një zgjidhje përfundimtare lidhjes  së rrethit  të Dibrës me Kosovën”, thotë kryetari i këshillit të qarkut të Kukësit, Shefqet Bruka.

Kompania fituese do te nies punën këto ditë. Gjerësia e rrugës do të jetë 6 metra dhe e asfaltuar, kur më parë rruga ishte njëkalimëshe. i gjithë projekti është përgatitur nga specialistët e  këshillit të  qarkut”, thotë Bruka.

Rruga  në fillimet e saj kalon nëpër  3 qendra të banuara, në fshatrat Nangë, Canaj dhe  Osmane. Ajo është parashikuar të këtë edhe ndricim dhe trotuare  për shkak të  shmangies së aksidenteve në këto fshatra.  Edhe në zona jo të banuara rruga është me një gjërësi prej 6 metrash. “Problematike  janë 2 zona të rrëshqitshme në afërsi të  fshatit Kolosjan ku kalon rruga, por  nga projektuesi është menduar zgjidhja  me synim minimizimin e dëmeve në këto zona të rrëshqitshme”, thotë Bruka.

Për zgjidhjen afatgjatë të problemit, rikonstruksioni tërësor që përfshin edhe zgjerimin në të gjithë gjatësinë e rrugës,  e nevojshme është edhe shpronësimi  në disa segmente, proces që ka nisur e që pritet të përfundojë së shpejti.

E gjithë kostoja e rikonstruksionit të këtij segmenti rrugor me gjatësi 10,2 kilometra arrin në 301786720 lekë.

Rikonstruksioni i këtij segmenti jo vetëm lidh Dibrën me Kosovën, por edhe banorët e fshatrave të komunave të Ujmishtit, Kalisit, Bushtricës dhe Grykë Cajës me pjesën tjetër të vendit.