Tiranë – Për shkak të problemeve dhe mosmarrëveshjeve, si dhe zvarritjes tani edhe të miratimit të vendimit nga ana e Kolegjiumit zgjedhor, rreth ligjshmërisë së vendimit për rinumërim të fletëvotimeve në kuti të gabuara, u prononcua edhe Kryetari i delegacionit të Parlamentit Evropian për Evropën Juglindore, Eduard Kukan.

Ai sugjeron që Komisioni i Venecias t’i ndihmojë Kolegjiumit zgjedhor në miratimin e vendimeve profesionale, pa ndikim politik, njoftoi korrespondenti i MIA-s nga Tirana.

“Ekspertët nga sfera e jurisprudencës dhe ekspertët e Kolegjiumit zgjedhor, duhet të miratojnë vendime të bazuara në ligjin dhe në qoftë se kanë paqartësi të caktuara mund të drejtohen për ndihmë deri te institucionet ndërkombëtare, siç është Komisioni i Venecias, e cila posedon profesionalizëm të vërtetë”, deklaroi Kukan.

Ai ka dërguar apel deri te kolegjiumi, të zbatojë procedurë profesionale dhe transparente dhe të miratojë vendim të pavarur politik.