Mitrovicë – Këshilltari në Komunën e Mitrovicës Veriore, Dimitrije Janiqijeviq, është vrarë para shtëpisë së tij, në veri të Mitrovicës. 

Motivi dhe autori i sulmit tash për tash nuk dihen. Njofton B92. Vrasja ka ndodhur në orët e para të ditës së sotme.
Autoritetet spitalore në veri i kanë konfirmuar se Janiqijeviq është sjellë në spital pa shenja jete.

Janiqijeviq ka qenë edhe kandidat për kryetar të Komunës së Mitrovicës veriore në zgjedhjet e fundit lokale nga Lista e Partisë së Pavarur Liberale. Ai ka qenë 35 vjeç dhe baba i tre fëmijëve./koha/