Mesa duket këngëtarit Luiz Ejlli, nuk i pëlqen që ta quajnë dhëndri i Jozefina Topallit.  “Natyrisht që bezdisem pasi realisht nuk mund të quhem dhëndri, sepse nuk jam as i fejuar dhe as i martuar”, – ka thënë ai.

Ai ka pohuar se nuk ka asgjë të keqe dhe se nuk është kundër këtij ‘statusi’, shkruan shekulli.

“Normalisht nuk ka asgjë të keqe dhe nuk jam kundër të qenit dhëndër, se tregon që je pjekur e maturuar, por deri tani ende jo. Dua të sqaroj këtu se afrimiteti me familjen e Megit, nuk ka ndodhur pasi u njoha me të. Nuk është se u njoha me këtë vajzë dhe u afrova me familjen e saj. Ne jemi njohur shumë kohë më parë, me familjen e saj kemi pasur miqësi familjare, pasi në Shkodër të gjithë janë afër njëri-tjetrit”, – është shprehur Ejlli.