Ndryshimi i selisë së Partisë Demokratike tanimë tek ish-SHQUP-i, ka sjellë një itinerar të ri edhe për Greta Koçin. Nënkryetarja e Forumit Rinor të Partisë Demokratike ka hyrë në zyrën e re në selinë blu dhe ka zhvilluar takimet e para me të rinjtë demokratë.

Është shumë e përkushtuar në punën e re Greta, dhe ja tek shfaqet e veshur thjesht, por zyrtare, e përqendruar në takimin me këta të rinj…, shkruan BW.

Këngëtarja nuk i ndërpret kurrë kontaktet me të rinjtë demokratë në të gjithë vendin, për të mbajtur kështu të ndezur tek ata ndjenjën e përgjegjësisë. Ajo është një nga shtyllat kryesore të Partisë Demokratike, duke qenë se mban një post drejtues në atë që përbën forcën më të madhe të kësaj partie, Forumin Rinor.