Prishtinë – Nëntë persona janë arrestuar nga Departamenti i Policisë Kufitare për trafikim me emigrantë dhe armë si dhe falsifikim dokumentesh.

Policia e Kosovës prezantoi rezultatet edhe të një aksioni kundër krimit të organizuar. Ministri I brendshëm Bajram Rexhepi tha se shkatërrimi i rrjeteve të krimit të organizuar është prioritet për policinë.

Këto të gjitha katër ,pesë aksione të fundit janë në atë drejtim.Natyrisht që edhe kjo është një kontribut edhe njeher po e perseris në procesin për liberalizim të vizave në fushën më të nderlikuar që është siguria ku bëjnë pjesë krimi i organizuar dhe korrupcioni në kërim të organizuar mendohet me trafiqet me qenie njerëzore dhe narkotik. Në aksionin e fundit janë arrestuar nëntë shtetas të Kosovës të dyshuar për përfshirje në trafikimin e emigrantëve dhe armëve si dhe falsifikimin e dokumenteve.

Arrestimet janë bërë në Mitrovicë, Vushtrri, Skenderaj dhe Podujevë. Ky grup kriminal ka bërë kontrabandim me migrant nga shtetet e Azisë, Afrikës përmes Kosovës dhe Serbisë, Hungarisë për në shtetet perëndimore. Drejtori i Policisë Shpend Maxhuni tha se Policia e Kosovës është e përkushtuar t’i përmbush objektivat që ka caktuara në ofrimin e sigurisë pqr të gjithë qytetaret e vendit, me theks të veqant ndërmarrjen e të gjitha veprimeve ligjore në luftimin e krimit të organizuar.Vetëm gjatë dy javëve të fundit policia ka ndërmarrë disa aksione në të cilat ka konfiskuar mbi 600 kilogramë drogë ashtu si edhe armë të ndryshme. (LajmeShqip.com)