Tiranë -Kryetari i Aleancës Kuq e Zi, Kreshnik Spahiu ka reaguar ndaj qëndrimit të ambasadorit Wollfarth për numërimin elektronik të votave në Shqipëri, duke e konsideruar punën e diplomatit të huaj për reformën zgjedhore në këto dy vjet një dështim. 

“Ambasadori OSBE drejton misionin më të madh në Europë me zyra në të gjithë Shqipërinë dhe ka dështuar për dy vjet pa bërë asnjë hap në reformën zgjedhore. Ambasadori kryen cdo qokë duke përuruar panaire kafesh, birrash, qoftesh dhe mandje në Shqipëri nuk garanton zgjedhje të lira. Ambasadori OSBE duke refuzuar votimin dhe numërimin elektronik ka ruajtur sistemin e vjetër që populli voton dhe Berisha me Ramen numëron dhe OSBE duartroket. Jemi i vetmi vend në Europë me prenzencë kaq të madhe të OSBE dhe nuk realizojmë zgjedhje të lira dhe të ndryshme”,- deklaroi Spahiu.

Këto deklarata kreu i kuqezinje i bëri gjatë aktivitetit të anëtarësimit në Aleancën Kuq e Zi të mbajtur sot në Tiranë, me motën “1 milion KuqeZi”. 

Kreu i Aleancës Kuq e Zi ftoi të gjithë qytetarët të nënshkruajnë kontratën kuqezi për ti dhënë fund regjimit politik aktual, ndërkohë nënvizoi se Aleanca Kuq e Zi nuk paranon në gjirin e saj asnjë deputet apo ish deputet, ministër, kryeministër, president apo ish-funksionar partie.(LajmeShqip.com)