Paddy Sweeney me origjinë nga Irlanda e Veriut i ka lindur një ide shumë e keqe për t’ju përgjigjur një thirrjeje në telefon në një gjykatë të Londonderry, pavarësisht se gjykatësi e kishte urdhëruar ta fikte celularin.

Kur telefoni ra në sallën e gjyqit, 36-vjeçari jo vetëm që nuk e ka fikur, por ai i është përgjigjur dhe ka biseduar për pak çaste.

Kjo ka qenë mëse e mjaftueshme që burri të dënohet me dy orë pas hekurave dhe të paguajë një gjobë prej 240 eurosh pasi kishte ndërprerë në mënyrë të vullnetshme seancën.

Sweeney po merrte pjesë në një proces civil ku ishte përfshirë. Edhe pse dënimi mund të duket i ashpër sjellja e burrit ka qenë e qetë. Në Mbretërinë e Bashkuar në fakt për ndërprerje vullnetare të seancave gjyqësore mund të përballesh maksimumi me një muaj burg dhe me një gjobë rreth 3.000 eurosh.