Prizren -Integrimi i Kosovës dhe vendeve të rajonit të BE, roli i shoqërisë civile në rajon si dhe prezantimi i vlerave evropiane janë temat të cilat po diskutohen  në konferencën rajonale “ Përkufizimi i të ardhmes për vendet e Evropës Juglindore”, e cila filloi sot në Prizren. Taulant Hodaj, drejtor i Forumit Evropian Alpbah shpjegon qëllimet e kësaj konference.

 “Qëllimi kryesor i kësaj konference është mbajtja e vazhdimësisë së konferencave rajonale të forumit Alpabah si  dhe prezantimi i qendrës për studime të avancuara e cila do të mbahet në Rijek.

Tjetra është edhe një panel i cili do të bëj prezantimin e bashkëpunimi ndërmjet aktorëve shtetëror dhe të shoqërisë civile nga rajoni i Evropës Juglindore në proceset integruese evropiane.”

Në këtë konferencë është ftuar të marr pjesë  edhe  raportuesja për Kosovën në Parlamentin Evropian Ulrike Lunacek e shoqëruar nga ministri i jashtëm, Enver Hoxhaj. Konferenca  është organizuar nga Forumi Evropian Alpbah  në bashkëpunim me Ministrinë e Jashtme të Kosovës dhe Kuvendin Komunal të Prizrenit. (R.E.L)